Luonddugássa

Oastin sáhtát válljet fitnodagaid gaska geat vuvde luonddugássa ruoŧa luonddugássavuogádagas. Danin go ain lea haddeerohusat fitnodagaid gaska de sii geat leat molšut divraseamos hálbbibut gássagávppašeaddjái sáhttet seastit  veaháš ruđa.

Ná molsut gássagávppašeaddji

  • Don sáhtát buohtastahttit hattiid Gaspriskollenis mii jođihuvvo Konsumenternas Energimarknadsbyrås.
  • Jus háliidat molsut luonddugássagávppašeaddji de válddát oktavuođa ođđa gávppašeddjiid ja soabadat ođđa soahpamuša. Maŋŋil dat ođđa gieđahalli ja du fierpmádatfitnodat dikšuba olles gieđahallama molsumis.
  • Muitte ahte don it nuvttá sáhte botket soahpamuša ođđa soahpamuššii soahpamušáiggi botta.
  • Go lehpet soabahan de ođđa gássagávppašeaddji sádde ilmmuhusa molsuma birra fierpmádatfitnodahkii. Dát galgá dahkkot 14 beaivvi ovdal go vuovdin sáhttá álggahuvvot.

Don it sáhte molsut fierpmádatfitnodaga

Vai du gássa sirdojuvvo de galgá leat soahpamuš du báikkálaš gássafierpmádatfitnodagain. Danin go lea dušše gávppašeapmi gássain mii lea gilvaleami vuolde de ii sáhte váldit iežá fierpmádatfitnodaga.

Fierpmádatfitnodat oamasta gássabohcciid ja gássamihtideddjiid ja bearráigehččet ahte gássa man leat oastán boahtá du lusa. Jus háliidat diehtit makkár fierpmádatfitnodat doaibmá du guovllus de sáhtát jearrat gielddas.

Gássafierpmádatfitnodaga hattit leat muddejuvvon ja dárkkistuvvon Energimarknadsinspektionenis. Áigumuš lea ahte don oastin galggat máksit dohkkehahtti hatti fierpmádatfitnodaga bálvalusaide.

Geahča gássahattiid www.gaspriskollen.se

Dás gávnnat áigeguovdilis hattiid luonddugássii. Gávdnojit sierra lágan haddesoahpamušat válljet ovdamearkka dihte Fásta haddi ja lihkki haddi. Dasa lassin vuosehuvvojit dieđut nu gohččoduvvon gaskaboddasaš hattiide man oaččut jus it leat ieš válljen. Gaspriskollen jođihuvvo Konsumenternas Energimarknadsbyrås.

Konsumenternas energimarknadsbyrå lea iešráđálaš byrå mii nuvttá dieđiha ja neavvu áššiin mat gusket energiijamárkana.