Gáiddusliekkas

Váikko dan ovttaskas gáiddusliekkasoastis lea unnán dadjamuš gáiddusliekkasfitnodaga vuostá de gávdno muhtin suodji dutnje gáiddusliekkasoastin.

Du suodji gáiddusliekkasoastin

  • Jus du gáiddusliekkasfitnodat háliida rievdadit soahpamušeavttuid dutnje heajubun, de fitnodat ferte dieđihit dutnje maŋemusat guokte mánu ovdal dat ođđa eavttut fápmuduvvot. Gáiddusliekkasfitnodat ferte maid čilget manin ovdamearkka dihte haddelokten lea dohkálaš.
  • Dus oastin lea álo riekti gáibidit ráđđehallama hatti ja dan kapasitehta birra man leat soabadan.
  • Jus ovdamearka dihte gáiddusliekkasfitnodat háliida loktet hatti, de don sáhtát gáibidit ráđđehallama. Dakkár gáibádusa oktavuođas dus lea riekti oažžut daid dieđuid maid dárbbahat jus galggat sáhttit ráđđehallat fitnodagain. 
  • Jus dii ehpet soabat, de gáiddusfitnodat ferte dieđihit dutnje njálmmálaččat dehe čálalaččat ahte ráđđehallan lea loahpahuvvon, ja siva manin ehpet leat soabahan.
  • Dus lea vejolašvuohta ohcat soabaheami gáiddusliekkaslávdegottis. Golbma vahku siste ohcamuš soabaheapmái ferte boahtán Gáidduliekkaslávdegoddái (Fjärrvärmenämnden). Don ferte dárkkistit vai du ohcamuš soabaheapmái lea boahtán gáiddusliekkaslávdegoddái golbma vahku ovdal dan beaivvis ráđđehallan loahpahuvvui.
  • Jus gáiddusliekkasfitnodat ii leat dieđihan du rievdaduvvon soahpamušeavttuid birra de sis ii leat riekti geavahisgoahtit daid ođđa soahpamušeavttuid. Sii ii ge leat riekti geavahišgoahtit daid ođđa eavttuid ovdal go lea manna golbma vahku dan rájis ráđđehallama dehe soabaheapmi loahpahuvvui.
  • Du lea vejolašvuohta cealkit eret du gáiddusliekkassoahpamuša mávssu haga Dábálaš eretcealkánáigi láve leahkit golbma mánu. Váldde oktavuođa du gáiddusliekkasfitnodagain jus háliidat cealkit eret soahpamuša.

Oastisuodji gáiddusliekkasboatkaneamis

Jus gáiddusliekkasfitnodat galgá oažžut giddet gáidduslieggasa du orohahkii dehe latnjii de leat muhtin eavttut fámus.

Gáiddusliekkasfitnodagas lea riekti giddet du gáidduslieggasa jus don guhte leat oasti leat suostan iežat geatnegasvuođaid soahpamuša jelgii, ovdamearkka dihte jus it leat máksán du rehkegiid gáidduslieggasii.